منتديات ماما نونا
السلام عليكم
عزيزى الزائر اهلا بك من فضلك ادخل الرقم السرى وان لم تكن مسجل تفضل بالتسجيل وانضم الى اسرة
منتديات ماما نونا
وشكرا
ادارة المنتدى


منتدى شامل بالعطاء ومسرف بالجمال والجديد دائما
 
الرئيسيةالبوابةالتسجيلدخول

شاطر | 
 

 طريقه عمل كل انواع البيتزا

اذهب الى الأسفل 
كاتب الموضوعرسالة
مليكة القلم

avatar

تاريخ التسجيل : 24/09/2008
العمر : 23
البلد : الاردن
نقاط : 36819
عدد الرسائل : 43
مستوى تقييم العضوية : 0

مُساهمةموضوع: طريقه عمل كل انواع البيتزا   الأحد 16 نوفمبر 2008, 12:42

ازيكم بنات اخباركم ايه
يارب تكونوا بخير
فى اول موضوع ليا فى هذا القسم
حبيت اجبلكم اكله بمووووت في وهى
البيتزا

المقادير:
• 3 أكواب دقيق
• 2 ملعقة خميرة بيرة
• 2/1ملعقة صغيرة ملح
• كوب ماء دافئ
• 3معالق كبيرة زيت ذرة
الطريقة:

1- اخلطي كوب ونصف دقيق مع الخميرة والملح وبعد كده ضيفي الميه والزيت، واضربيهم كلهم بمضرب البيض الكهربائي على سرعة عالية لمدة 3 دقائق.
2- ضيفي باقي الدقيق إلى الخليط السابق وقلبيه باستخدام ملعقة خشبية.
3- انقلي العجينة على رخامة المطبخ أو على لوح خشبي وابدئي في عجنها بإيدك لغاية ما تلاقيها بقت طرية ومطاطة وسهلة التشكيل على شكل دوائر كبيرة.
4- انقلي العجينة إلى الطبق البلاستيك أو طبق زجاجي كبير وادهنيها بالزيت وغطيها بقطعة قماش وسيبيها في مكان دافي لمدة ساعتين علشان تخمر وحجمها يزيد
العجينة على طريقة ملاينو
• 2 كوب دقيق
• 2 بيضة
• 2 معلقة زبدة
• كوب لبن
• ذرة ملح وفلفل
• 2 معلقة خميرة بيرة
• 2/1معلقة سكر
الطريقة:
1- اخلطي الخميرة مع السكر.

2- هاتي طبق زجاج أو بلاستيك كبير وحطي فيه السمنة واضربيها بالمضرب الكهربائي وبعد كده ضيفي إليها باقي المقادير والخميرة والسكر واضربيهم مع بعض بالمضرب هتلاقي إن العجينة بقت جامدة شيلي المضرب واعجني العجينة بإيدك لغاية ما تلاقيها بقت طرية ومطاطة غطيها وسيبيها لمدة 3 ساعات عشان تخمر.
بس يا ستي دول كانوا أشهر طريقتين لعمل عجينة البيتزا في إيطاليا وحبيت أقولهم في الأول لأن زي ما إنت عارفة إن أهم حاجة في البيتزا هي العجينة وعلى فكرة العجينة دي هتستخدميها في عمل أي نوع إنت عايزاه من أنواع البيتزا..
وفيه حاجة تانية مهمة لازم تكوني عارفاها علشان هتحتاجيها في عمل كل نوع من أنواع البيتزا وهي..

صلصة البيتزا



المقادير:

• 4 حبات طماطم مقشرة ومقطعة مكعبات صغيرة
• 4 ملاعق كبيرة معجون طماطم
• 2 ملعقة كبيرة زيت ذرة
• 1 ملعقة صغيرة زعتر جاف ومطحون
• 1 ملعقة صغيرة أوريجانو، أو نعناع، جاف ومطحون
• 1 ملعقة كبيرة ملح وفلفل
الطريقة:

1. سخني الزيت في طاسة على نار هادية، وبعد كده ضيفي الطماطم ومعجون الطماطم والزعتر والأوريجانو أو النعناع و4/3 كوب ماء وسيبي الخليط على النار لمدة نص ساعة علشان يتسبك...

بعد ما تلاقيه اتسبّك أو بقى تقيل شيليه من على البوتجاز واستخدميه في عمل البيتزا زي ما قلنا.

ودلوقتي هنعرف ازاي تعملي كل نوع بيتزا
بيتزا بالخضروات





المقادير:
• عجينة بيتزا
• 1 حبة فلفل أخضر مقطعة مكعبات أو عيدان
• 2/1 كوب صلصة بيتزا أو "معجون طماطم"
• 2 حبة طماطم مقطعة قطع صغيرة أو حلقات
• بصلة متوسطة الحجم مقطعة حلقات
• 1 كوب عيش الغراب شرائح
• 2 فص ثوم مفروم
• 1 ملعقة صغيرة زعتر
• 2/1 كوب جبنة موتزاريلا مبشورة
• 2/1 ملعقة صغيرة فلفل أسود
• عرقان من الكرفس مقطعان قطعا صغيرة
• زيتون أسود مقطع دوائر
• أوراق ريحان للزينة "حسب الرغبة"
الطريقة:

1- قطعي عجينة البيتزا إلى قطع صغيرة مدوّرة وحطيها على رخامة المطبخ أو على سطح خشبي مرشوش بالدقيق وابدئي في فردها لتغطي صاج أو صينية البيتزا وبعد كده حطيها في الصينية اللي هتسويها فيها بس خدي بالك إنك قبل ما تحطيها تدهني الصينية بالزيت.
2- ضيفي صلصلة البيتزا فوق العجينة ورشي الثوم المفروم وضيفي الفلفل الأخضر والطماطم والبصل والكرفس والزيتون الأسود وعيش الغراب ورشي الفلفل الأسود وقطعي البيتزا على شكل مثلثات.
3- رشي الجبنة الموتزاريلا والزعتر من على السطح.
4- سخني الفرن على درجة حرارة "220 - 200 ْ مئوية" بعد كده دخلي صينية البيتزا في الفرن لمدة 15 دقيقة وبعد ما تلاقي وشها احمرّ خرجيها، واوعي تاكلي صوابعك وراها.

بيتزا بالسجق

المقادير:

• عجينة بيتزا
• 1 حبة فلفل أخضر مقطعة مكعبات أو عيدان
• 2/1 كوب صلصة بيتزا أو معجون طماطم
• بصلة متوسطة الحجم مقطعة حلقات
• 2 فص ثوم مفروم
• 2/1كوب جبنة موتزاريلا مبشورة
• 2/1 ملعقة صغيرة فلفل أسود
• عرقان من الكرفس مقطعان قطعا صغيرة جدا
• سجق مقطع
• 2/1 كوب زيتون أسود أو أخضر مقطع شرائح
الطريقة:
1- قطعي عجينة البيتزا إلى قطع صغيرة مدورة وحطيها على رخامة المطبخ أو على سطح خشبي مرشوش بالدقيق وابدئي في فردها لتغطي صاج أو صينية البيتزا وبعد كده حطيها في الصينية اللي هتسويها فيها بس خدي بالك إنك قبل ما تحطيها تدهني الصينية بالزيت.
2- ضيفي صلصلة البيتزا فوق العجينة ورشي الثوم المفروم وضيفي الفلفل الأخضر والبصل والكرفس والزيتون الأسود والسجق ورشي الفلفل الأسود.
3- رشي الجبنة الموتزاريلا والزعتر على السطح وقطعي البيتزا على شكل مثلثات.
4- سخني الفرن على درجة حرارة "220 - 200 ْ مئوية" بعد كده دخلي صينية البيتزا في الفرن لمدة 15 دقيقة وبعد ما تلاقي وشها احمرّ خرجيها واوعي تاكلي صوابعك وراها.
الرجوع الى أعلى الصفحة اذهب الى الأسفل
Nony
مدير المنتدى
مدير المنتدى
avatar

تاريخ التسجيل : 27/04/2008
نقاط : 38837
عدد الرسائل : 799
مستوى تقييم العضوية : 0

مُساهمةموضوع: رد: طريقه عمل كل انواع البيتزا   الخميس 15 يناير 2009, 14:57

اكثرر من رووووووووووووووعه


.. يسلم الاياااادي ..

فنااااااااااااااااااااااااااااااااااااا مليكةااااااااااااااااااااااااااااااانة

_________________


اللهم بارك لي في أولادي ووفقهم لطاعتك وارزقني وابيهم برهم
الرجوع الى أعلى الصفحة اذهب الى الأسفل
http://mamanona.mam9.com
 
طريقه عمل كل انواع البيتزا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ماما نونا :: عالم حواء :: الفطائر والمعجنات ساندويتشات-
انتقل الى: